تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

کترینہ کیف کا سلمان خان کی شادی پر پوچھے گئے سوال کا دلچسپ جواب

ممبئی: بالی وڈ کی ’بار بی ڈول‘ کترینہ کیف نے اپنے دیرینہ دوست سُپر اسٹار سلمان خان کی شادی سے متعلق پوچھے گئے سوال کا دلچسپ جواب دے دیا۔

ماضی میں کترینہ کیف اور سلمان خان کو ایک ساتھ اسکرین پر کافی پسند کیا جاتا تھا۔ پھر اچانک دونوں میں فاصلے بڑھ گئے اور تب سے وہ اسکرین پر ایک ساتھ واپس نہیں آئے۔ ان میں ایک دوسرے کیلیے باہمی احترام اب بھی برقرار ہے۔

کترینہ کیف اداکار وکی کوشل کے ساتھ شادی کر کے خوشگوار زندگی گزار رہی ہیں لیکن سلمان خان اب بھی اکیلے ہیں اور دور دور تک شادی کا امکان نہیں۔

ایک مرتبہ دونوں مشہور کامیڈی شو ’دی کپل شرما شو‘ کے مہمان بنے جہاں میزبان نے کترینہ کیف سے پوچھا کہ سلمان خان کی پسندیدہ اداکارہ کون ہیں؟ وہ جواب سوچ ہی رہی تھیں کہ سلمان خان نے مداخلت کرتے ہوئے میزبان سے کہا، ’کترینہ خود ہے۔‘

بعد ازاں میزبان نے کترینہ کیف سے پوچھا کہ سُپر اسٹار کی شادی کب ہوگی؟ اس پر انہوں نے کہا کہ اس سوال کا جواب صرف دو لوگوں کے پاس ہے، ایک بھگوان اور دوسرا سلمان خان۔

مذکورہ ویڈیو کافی پرانی ہے، لیکن جیسے ہی ایک انسٹاگرام صارف نے اسے پوسٹ کیا، دیگر صارفین نے نہ صرف اس پر تبصرے لکھے بلکہ آگے بھی شیئر کرتے رہے اور دیکھتے دیکھتے ویڈیو دوبارہ وائرل ہوگئی۔

Comments

- Advertisement -