تازہ ترین

کپل شرما کی پہلی تنخواہ جان کر آپ حیران رہ جائیں گے

معروف بھارتی کامیڈین کپل شرما کی نئی فلم حال ہی میں ریلیز ہوئی ہے، وہ بھارت کے مقبول اور کامیاب ترین کامیڈین ہیں تاہم ان کا یہاں تک کا سفر آسان نہیں تھا۔

کپل شرما نے حالیہ انٹرویو میں انکشاف کرتے ہوئے اپنی پہلی تنخواہ کے بارے میں بتایا اور کہا کہ انہوں نے اس وجہ سے پیسے کمانا شروع کیے کیونکہ وہ گھر والوں سے پیسے مانگنا نہیں چاہتے تھے۔

کپل شرما جو اب بھارت کے ایک امیر کامیڈین ہیں وہ ایک وقت میں انڈین پنجاب کے شہر امرتسر میں معمولی نوکری کرتے ہوئے اپنا جیب خرچ پورا کرتے تھے۔

انہوں ںے انکشاف کیا کہ وہ ایک پی سی او میں نوکری کرتے تھے جہاں ان کی تنخواہ 500 روپے ہوتی تھی۔

کرلی ٹیلز سے بات کرتے ہوئے کپل شرما نے بتایا کہ انہوں نے بہت چھوٹی عمر سے پی سی او بوتھ میں نوکری کرنا شروع کر دی تھی جس سے وہ 500 روپے کماتے تھے، وہ پی سی او پر پارٹ ٹائم نوکری کرتے تھے۔

انہوں نے کہا کہ میں تب کم گھٹنے کام کرتا تھا، میں رات کو 10 بجے سے 1 بجے تک اور پھر صبح 4 بجے سے 7 بجے تک کام کرتا تھا۔

انہوں نے مزید انکشاف کیا کہ وہ 14 سال کی عمر میں ایک مل میں کام کرنے لگ گئے جہاں ان کی تنخواہ 900 روپے تھی۔

گزرے وقتوں کو یاد کرتے ہوئے انہوں نے کہا کہ میں نے کئی چھوٹی موٹی ملازمتیں کی ہیں، جیسے میں نے میٹرک کے امتحانات دینے کے بعد گارمنٹس کی مل میں نوکری کرنا شروع کر دی۔ وہاں اتنی گرمی ہوتی تھی کہ دوسرے شہروں سے آنے والے مزدور اپنے گاؤں واپس چلے جاتے تھے۔

انہوں نے کہا کہ ہم تب 14 سال کے بچے ہی تھے اور ہمیں لگا کہ ہم 900 روپے ماہانہ کما لیں گے، یہ 1994 کی بات ہے۔ اس سلسلے میں گھر سے کوئی دباؤ نہیں تھا کہ آپ نے پیسے کمانا ہیں، ہم اس پیسے سے صرف اپنی ذاتی ضروریات پوری کرتے تھے۔ کوئی میوزک سسٹم لے لیا یا والدہ کے لیے تحفہ لے لیا۔ بہت اچھا لگتا تھا۔

کامیڈین نے یہ بھی کہا کہ گھر سے پیسے مانگتے وقت شرم آتی تھی جس کی وجہ سے چھوٹی عمر میں ہی کام کرنا شروع کر دیا۔

Comments

- Advertisement -