The news is by your side.

Advertisement

پی ایس ایل 2017: کراچی کنگز، پشاور زلمی کو پچھاڑنے کے لیے بے قرار

دبئی: پاکستان سپر لیگ (پی ایس ایل) 2017 میں آج کراچی کنگز اور پشاور زلمی کا ٹاکرا ہوگا۔ اس سے قبل لاہور قلندرز اور کوئٹہ گلیڈی ایٹرز کی ٹیمیں آپس میں مدمقابل ہوں گی۔

دبئی کے انٹرنیشل کرکٹ اسٹیڈیم میں آج کراچی کنگز اور پشاور زلمی کی ٹیمیں آپس میں ٹکرائیں گی۔ میچ پاکستانی وقت کے مطابق 9 بجے شروع ہوگا۔

میچ سے قبل کراچی کنگز کے کھلاڑیوں نے بھرپور پریکٹس کی جس میں کراچی کنگز کے مالک سلمان اقبال نے بھی شرکت کی اور کھلاڑیوں کا حوصلہ بڑھایا۔

واضح رہے کہ یہ لیگ میں کراچی کنگز کا پہلا میچ ہے اور ٹیم اپنے مدمقابل کو پچھاڑنے اور فتح کا جھنڈا گاڑے کے لیے پوری طرح تیار ہے۔

دوسری جانب پشاور زلمی کل کے افتتاحی میچ میں اسلام آباد یونائیٹڈ کے ہاتھوں 7 وکٹوں سے شکست کھا چکی ہے۔

آج ایک اور میچ لاہور قلندرز اور کوئٹہ گلیڈی ایٹرز کے درمیان کھیلا جارہا ہے جس میں لاہور قلندرز نے ٹاس جیت کر فیلڈنگ کا فیصلہ کیا ہے۔

یاد رہے کہ کراچی کنگز کی قیادت سری لنکن کھلاڑی کمار سنگا کارا کر رہے ہیں۔ ٹیم کے دیگر کھلاڑیوں میں شعیب ملک، کرس گیل، روی بوپارہ اور مہیلا جے وردنے شامل ہیں۔

kings-2

پی ایس ایل 2 کا فائنل لاہور میں منعقد ہوگا۔

Print Friendly, PDF & Email

Comments

comments

یہ بھی پڑھیں