کراچی : 5 دن سے لاپتہ 13 سالہ بچہ مل گیا پولیس نے بتایا بچہ داخلہ نہ ہونے پر دل برداشتہ ہوکر گھر چھوڑ کرچلا گیا تھا۔
تفصیلات کے مطابق کراچی میں شیرشاہ پولیس نے کارروائی کرتے 5 دن سے لاپتہ بچے کو تلاش کر کے اہلخانہ نے حوالے کر دیا۔
ایس ایس پی انوسٹی گیشن اظہرجاوید کا کہنا تھا کہ 13 سالہ بچہ علی حسن عالمگیرروڈ شیر شاہ سے لاپتہ ہوا تھا۔
ایس ایس پی ڈسٹرکٹ کیماڑی نے کہا کہ بچےکےاغواءکامقدمہ درج کیاگیا تھا، بچے نے 9 ویں کلاس میں داخلہ نہ ہونے پر دل برداشتہ ہوکر گھر چھوڑ دیا تھا۔
یاد رہے اسلام آباد کے بڑے شاپنگ مال سے 3 سال کابچہ لاپتہ ہوگیا تھا ، بچے کی والدہ کی مدعیت میں تھانہ مارگلہ میں مقدمہ درج کیا گیا ، جس کے بعد پولیس نے متعلقہ علاقے کی سی سی ٹی وی فوٹیجزحاصل کرلیں۔
سی سی ٹی وی فوٹیجز میں 2 خواتین اور ایک بچے کیساتھ اذلان کو پارکنگ کی طرف جاتے دیکھا گیا تھا، والدہ کا کہنا تھا کہ 2خواتین اور ایک 7سال کا بچہ میرے 3 سالہ بچے کو لے گئے۔
