کراچی: سول اسپتال میں مبینہ طور پر وینٹی لیٹر نہ ملنے پر 2 بچے جاں بحق ہوگئے، دونوں بچوں کا تعلق ایک ہی خاندان سے ہے۔
اے آر وائی نیوز کے مطابق سول اسپتال میں افسوسناک واقعہ پیش آیا ہے جہاں مبینہ طور پر وینٹی لیٹر نہ ملنے پر دو بچے جان کی بازی ہار گئے، اسپتال کی چائلڈ ایمرجنسی میں ایک ہی خاندان کے 2 بچے جاں بحق ہوئے۔
4 برس کی نعیمہ اور رحمت اللہ خسرہ کےمرض میں مبتلا تھے، بچوں کے انتقال پر ورثا نے احتجاج کیا اور ڈاکٹروں کےخلاف کارروائی کا مطالبہ بھی کیا ہے۔
ورثا نے کارروائی کیلئے سول اسپتال کے ایم ایس کو درخواست دے دی، لواحقین کا کہنا ہے کہ ڈاکٹروں کی غفلت اور وینٹی لیٹر نہ ہونے پر بچوں کی اموات ہوئیں۔
