کراچی میں خطرناک ڈور سے لوگوں کے زخمی ہونے کا سلسلہ جاری ہے، 2 روز کے دوران پتنگ کی ڈور پھرنے سے 2 شہری زخمی ہوگئے۔
ریسکیو ذرائع نے بتایا کہ نیوکراچی اور اورنگی ٹاؤن کے علاقوے میں پتنگ کی ڈور پھرنے سے 2 افراد زخمی ہوئے، دونو افرد جو پتنگ کی ڈور کا نشانہ بنے وہ موٹرسائیکل پر سوار تھے، دونوں زخمیوں کی حالت تشویش ناک ہے۔
گزشتہ دننوں نیو کراچی کے علاقے سیکٹر 5 آئی میں پتنگ کی ڈور گلے پر پھرنے سے ایک شخص زخمی ہوگیا تھا۔
ایس ایس پی سینٹرل ذیشان شفیق صدیقی کے مطابق 22 سالہ زخمی عبداللہ کو اسپتال منتقل کردیا گیا ہے، نوجوان بہن کیساتھ جارہا تھا کہ راستے میں یہ واقعہ پیش آیا۔
واضح رہے کہ کچھ ماہ قبل بھی کراچی کے علاقے ملیر میں گلے پر ڈور پھرنے کا ایک واقعہ پیش آیا تھا جس میں ایک موٹو سائیکل سوار شخص زخمی ہوگیا تھا۔
اس واقعے کے بعد کھوکھراپار پولیس نے پتنگ بازی کرنے والے متعدد لڑکوں کو حراست میں لے لیا تھا، پتنگ بازی کرنے والوں کے قبضے سے چرخیاں اور پتنگیں برآمد کرلی گئی تھیں۔
