کراچی: شہر قائد کے ڈالمیا بشیر گوٹھ میں میں سستے نشے کے ہاتھوں 2 افراد اپنی جان گنوا بیٹھے جبکہ 2 کی حالت تشویشناک ہے۔
تفصیلات کے مطابق کراچی کے علاقے ڈالمیا بشیر گوٹھ میں کچی شراب پینے سے 2 افراد ہلاک اور 2 کی حالت تشویشناک ہے، ان چاروں افراد نے جمعہ کو کسی دوسرے علاقے میں کچی شراب پی تھی۔
پولیس کا کہنا ہے کہ کچی شراب پی پر گھر آنے کے بعد چاروں افراد کی طبیعت خراب ہوئی جس کے بعد انہیں اسپتال پہنچایا گیا جہاں 2 افراد ہلاک ہوگئے جبکہ 2 کی حالت اب بھی تشویشناک ہے۔
پولیس کا مزید کہنا ہے کہ متاثرہ افراد نے شراب کہاں سے خریدی؟ اور کہاں شراب نوشی کی عزیز بھٹی پولیس نے موقع پر پہنچ کر تحقیقات شروع کردی۔
