کراچی: سندھ پولیس کے کاؤنٹر ٹیررزم ڈیپارٹمنٹ کے عملے نے سرچ آپریشن کے دوران بی ایل اے کے 2 مطلوب ملزمان کو گرفتار کرلیا۔
ترجمان سی ٹی ڈی سندھ کے مطابق سی ٹی ڈی کی جانب سے شہر کے مخلتف مشکوک علاقوں میں مرحلہ وار انفارمیشن بیسڈ آپریشن کیا گیا ہے۔
کارروائی کے دوران دہشت گرد تنظیم بی ایل اے کے 2 مطلوب ملزمان کو دو مسروقہ موٹر سائیکل افراد کو گرفتار کیا گیا۔
ترجمان کا کہنا ہے کہ سرچ آپریشن تھانہ موچکو، تھانہ سعیدآباد، بس ٹرمینل، نیول کالونی اور رئیس گوٹھ میں کیا گیا، سرچ آپریشن کے دوران تلاش ایپ کے ذریعے 64 مشتبہ افراد کو چیک کیاگیا۔
سندھ پولیس کے کاؤنٹر ٹیررزم ڈیپارٹمنٹ نے مزید بتایا کہ آپریشن سی ٹی ڈی کے تجربہ کار افسران کی نگرانی میں کیاگیا۔
