منگل, مئی 21, 2024
اشتہار

کراچی: ڈاکوؤں کی فائرنگ سے ایم کیو ایم پاکستان کے 3 کارکن زخمی

اشتہار

حیرت انگیز

کراچی میں لوٹ مار کی واردات کے دوران مزاحمت کرنے پر ڈاکوؤں نے فائرنگ کرکے ایم کیو ایم پاکستان کے تین کارکنوں کو زخمی کر دیا۔

اے آر وائی نیوز کے مطابق ہفتہ اور اتوار کی درمیانی شب نارتھ کراچی کے علاقے سلیم سینٹر کے قریب ڈاکوؤں نے چائے کے ہوٹل پر بیٹھے افراد سے موبائل چھیننے کی کوشش کی اور مزاحمت کرنے پر فائرنگ کر دی جس کے نتیجے میں تین افراد زخمی ہوگئے۔

کراچی کے علاقے سلیم سینٹر نارتھ کراچی کے قریب لوٹ مار کی واردات کے دوران مزاحمت کرنے پر ڈاکوؤں نے فائرنگ کرکے ایم کیو ایم کے تین کارکنوں کو زخمی کردیا جب کہ ڈاکو فرار ہونے میں کامیاب ہوگئے۔

- Advertisement -

زخمیوں کو فوری طور پر اسپتال منتقل کیا گیا۔ تینوں افراد کے پیروں میں گولیاں لگی ہیں اور اسپتال ذرائع کے مطابق زخمیوں کی حالت خطرے سے باہر ہے۔

عینی شاہد کا کہنا ہے کہ موٹر سائیکل سوار تین ڈاکوؤں نے ہوٹل پر بیٹھے افراد سے موبائل فون چھینے اور مزاحمت پر اندھا دھند فائرنگ کرتے ہوئے فرار ہوگئے۔

پولیس کے مطابق زخمی ہونے والے تینوں افراد متحدہ قومی موومنٹ پاکستان کے کارکن ہیں جو پارٹي جلسے سے فارغ ہونے کے بعد چائے کے ہوٹل پر بیٹھے تھے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں