کراچی کے علاقے شریف آباد میں سوتیلے باپ کے مبینہ تشدد سے 3 سال کا بچہ جاں بحق ہوگیا۔
اے آر وائی نیوز کے مطابق اہل علاقہ نے پولیس کو دیے گئے بیان میں بتایا کہ سوتیلے باز نے گزشتہ روز بچے پر شدید تشدد کیا تھا، والدین بچے کو نجی اسپتال لے گئے جہاں وہ دم توڑ گیا۔
پولیس حکام کے مطابق بچے کی تدفین والدین نے خود ہی کردی۔
پولیس کا کہنا ہے کہ تین سالہ علی کی والدہ نے دوسری شادی کی تھی، اہل محلہ دعویٰ کیا ہے کہ ماں اور باپ دونوں بچے کو اکثر تشدد کا نشانہ بناتے تھے۔
یہ پڑھیں: کراچی میں واٹر ٹینکر کی ٹکر سے 4 سال کا بچہ جاں بحق ہوگیا
تفتیشی حکام کا بتانا ہے کہ بچے کے والدین زیر حراست ہیں، پولیس کو اطلاع دیے بغیر تدفین کی گئی۔
عباسی شہید اسپتال میں بچے کے بارے میں سیڑھیوں سے گرنے کا بتایا گیا، انتقال پر بچے کی تدفین کی گئی اور کسی رشتے دار کو بھی آگاہ نہیں کیا گیا۔
پولیس حکام کا کہنا ہے کہ تفتیش کے دوران ضرورت پڑنے پر قبر کشائی بھی کروائی جائے گی، والدین نے ابتدائی تفتیش میں اعتراف کیا ہے کہ بچے پر تشدد کرتے تھے لیکن مارنا نہیں چاہتے تھے۔
تفتیشی حکام کے مطابق میاں اور بیوی ایک دوسرے پر ذمہ داری عائد کررہے ہیں، بیان میں بھی تضاد ہے واقعے کا مقدمہ درج کیا جارہا ہے۔
