کراچی : نجی کلینک میں مبینہ طور پر غلط انجکشن لگنے کے نتیجے میں 3 سالہ بچی جان بحق ہوگئی۔ ورثاء نے واقعے کا مقدمہ درج کرنے کا فیصلہ کرلیا۔
تفصیلات کے مطابق کراچی کے علاقے اختر کالونی میں نجی کلینک میں مبینہ طور پر غلط انجکشن لگنے سے بچی جاں بحق ہوگئی۔
3 سالہ بچی کی لاش کو پوسٹمارٹم کے لئے اسپتال منتقل کردی گئی ہے ، لواحقین نے بتایا کہ بچی کو تیز بخار پرڈاکٹر کے پاس لے گئے تھے، بچی کو ڈاکٹر نے انجکشن لگایا جس کے بعد جسم سوجھ گیا، بچی کو لیکر دوبارہ ڈاکٹر کے پاس گئے تو پٹی باندھ کر واپس بھجوادیا۔
لواحقین کا کہنا تھا کہ بچی چار بہن بھائیوں میں سب سے چھوٹی تھی ، ڈاکٹر کے خلاف مقدمہ درج کرائیں گے۔
لواحقین نے ڈاکٹر کیخلاف مقدمہ درج کرنے کیلئےپولیس سے رجوع کرلیا، پولیس نے کہا کہ اختر کالونی میں کلینک کوڈاکٹر اعجاز احمد چلاتے ہیں، بچی کو 2 روز قبل بخار میں مبتلاہونےکےباعث کلینک لایاگیا تھا۔
حکام کا کہنا تھا کہ بچی کوسوجن ہوئی توگھروالےدوسرےروزپھراس ہی کلینک لائے ، جب گزشتہ روز بچی کی طبعیت خراب ہوئی تو اسے جناح اسپتال لے جایا گیا اور اسپتال میں بچی نے دم توڑا۔
پولیس نے کہا کہ واقعے کا علم ہوا ہے تحقیقات کررہے ہیں ،قانونی کارروائی کریں گے۔
