کراچی : پولیس نے آٹھ سالہ بچی کو زیادتی کے بعد قتل کرنے میں ملوث مزید تین مشتبہ افراد کو حراست میں لے لیا، مقتولہ کائنات کی بڑی بہن سے بھی پوچھ گچھ کی گئی۔
تفصیلات کے مطابق گزشتہ روز کراچی کے علاقے بھٹائی آباد میں آٹھ سالہ بچی کائنات کو زیادتی کے بعد قتل کا واقعہ پیش آیا تھا۔ پولیس نے ابتدائی تفتیش کے بعد مزید تین ملزمان کو شک کی بنیاد پر حراست میں لے لیا ہے۔
واقعے کے بعد ایس ایس پی ملیر، ایس ایس پی انویسٹی گیشن کائنات کے گھربھٹائی آباد پہنچے۔ پولیس افسران نے نے کائنات کی بڑی بہن سے بھی واقعے سے متعلق معلومات حاصل کیں۔
پولیس کے مطابق زیرحراست ملزمان الطاف اور عارف کے بیانات کو مچنظر رکھتے ہوئے تفتیش کی جارہی ہے، اس کے علاوہ پولیس نے قتل کیس میں مزید3مشتبہ افراد کو حراست میں لے لیا ہے۔ حراست میں لیے گئےافراد مقتولہ کائنات کے رشتہ دارہیں۔
پولیس نے مزید بتایا کہ کائنات کا بھائی جیکب آباد سےکراچی نہیں پہنچا، مقتولہ کے بھائی کے نہ پہنچنے کی وجہ سے تاحال مقدمہ درج نہیں ہوسکا۔
واضح رہے کہ گزشتہ روز گلستان جوہر کے علاقے بھٹائی آباد سے آٹھ سالہ بچی کائنات کی لاش برآمد ہوئی تھی جسے زیادتی کے بعد گلا دبا کر قتل کیا گیا تھا۔
پوسٹ مارٹم رپورٹ کے مطابق بچی سے زیادتی کی تصدیق ہو گئی ہے۔ سات سالہ کائنات کو مختلف طریقوں سے تشدد کا نشانہ بنائے جانے کے شواہد ملے ہیں، بچی کو پیٹ پر وزنی چیز ماری گئی جبکہ گلا دبا کر قتل کیا گیا ہے۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
