کراچی میں بھی پتنگ کی ڈور گلے پر پھرنے سے شہری زخمی ہوگیا۔
تفصیلات کے مطابق یہ واقعہ نیو کراچی کے علاقے سیکٹر 5 آئی میں پیش آیا جس میں پتنگ کی ڈور گلے پر پھرنے سے ایک شخص زخمی ہوگیا۔
ایس ایس پی سینٹرل ذیشان شفیق صدیقی کے مطابق 22 سالہ زخمی عبداللہ کو اسپتال منتقل کردیا گیا ہے، نوجوان بہن کیساتھ جارہا تھا کہ راستے میں یہ واقعہ پیش آیا۔
- Advertisement -
واضح رہے کہ کچھ ماہ قبل بھی کراچی کے علاقے ملیر میں گلے پر ڈور پھرنے کا ایک واقعہ پیش آیا تھا جس میں ایک موٹو سائیکل سوار شخص زخمی ہوگیا تھا۔
اس واقعے کے بعد کھوکھراپار پولیس نے پتنگ بازی کرنے والے متعدد لڑکوں کو حراست میں لے لیا تھا، پتنگ بازی کرنے والوں کے قبضے سے چرخیاں اور پتنگیں برآمد کرلی گئی تھیں۔
