18.8 C
Ashburn
اتوار, مئی 19, 2024
اشتہار

کراچی میں تیز رفتار ڈمپر نے موٹر سائیکل سواروں کو کچل دیا

اشتہار

حیرت انگیز

کراچی کے علاقے عائشہ منزل پر تیز رفتار ڈمپر نے موٹر سائیکل سواروں کو کچل دیا۔

اے آر وائی نیوز کے مطابق کراچی کے علاقے عائشہ منزل فلائی اوور پر تیز رفتار ڈمپر کی زد میں آکر دو موٹر سائیکل سوار جاں بحق ہوگئے۔

پولیس کے مطابق موٹر سائیکل سوار تیز رفتار ڈمپر کی زد میں آکر جاں بحق ہوگئے، جاں بحق افراد کی لاشوں کو ضابطے کی کارروائی کے لیے اسپتال منتقل کردیا گیا۔

- Advertisement -

پولیس حکام کا کہنا ہے کہ موقع پر موجود مشتعل افراد نے ڈمپر کو آگ لگادی جس کے بعد فائر بریگیڈ کے آکر ڈمپر میں لگی آگ کو بجھایا۔

پولیس کا کہنا ہے کہ ڈمپر کو تحویل میں لے لیا گیا ہے جبکہ ڈرائیور اور کلینر فرار ہونے میں کامیاب ہوگئے جن کی گرفتاری کے لیے چھاپے مارے جارہے ہیں۔

ریسکیو ذرائع کا بتانا ہے کہ حادثے میں جاں بحق افراد کی شناخت جمال الدین، اسرار احمد کے نام سے ہوئی ہے متوفین گڈاپ ٹاؤن کے رہائشی تھے اور ان کا تعلق خیبرپختونخوا سے تھا۔

واضح رہے کہ گزشتہ دنوں کراچی کے علاقے ناگن چورنگی پر بھی ڈمپر کی زد میں آکر دو نوجوان جاں بحق ہوگئے تھے جس کے بعد مشتعل افراد نے ڈمپر کو آگ لگادی تھی۔

Comments

اہم ترین

افضل خان
افضل خان
افضل خان اے آر وائی نیوز سے وابستہ کرائم رپورٹر ہیں

مزید خبریں