اسلام آباد: وفاقی وزیر برائے توانائی عمر ایوب نے خوش خبری سنائی ہے کہ رواں سال موسمِ گرما میں کراچی کو 450 میگاواٹ اضافی بجلی میسر ہوگی۔
سماجی رابطے کی ویب سائٹ پر وفاقی وزیر توانائی عمر ایوب خان نے ایک ٹویٹ کے ذریعے کراچی والوں کو خوش خبری سنائی کہ جامشورو سے کے ڈی اے 33 تک ٹرانسمیشن لائن کا کام مکمل کرلیا گیا ہے۔
انہوں نے بتایا کہ وفاق نے ایک اور وعدہ پورا کرتے ہوئے 220 کے وی کی ٹرانسمیشن لائن کی تکمیل کو مکمل کرلیا ہے، جس کی مدد سے رواں سال موسمِ گرما میں کراچی کو 450 میگاواٹ اضافی بجلی دستیاب ہوگی۔
130km 220 kV Jamshoro to KDA-33 transmission line is expected to b energized on or before 31st March 2021
Completion of this transmission infrastructure shall result increase power supply of 450 MW from national grid to the KE network during summer months when load demand is high— Omar Ayub Khan (@OmarAyubKhan) March 27, 2021
عمر ایوب کا کہنا تھا کہ ’جامشورو سے کراچی تک 130 کلومیٹر طویل ٹرانسمیشن لائن کی اپ گریڈیشن مکمل کرلی گئی، ڈبل سرکٹ ٹرانسمیشن لائن کی تکمیل کے بعد 31مارچ سے بجلی کی ترسیل ممکن ہوسکے گی‘۔
انہوں نے کہا کہ ’منصوبے کی بروقت تکمیل سے نیشنل گرڈ سے کے الیکٹرک پاور کو 450 میگاواٹ اضافی بجلی دی جائے گی جبکہ کےای کوپہلے ہی نیشنل گرڈسے 650 میگاواٹ بجلی فراہم کی جارہی ہے‘۔ وفاقی وزیر کا مزید کہنا تھا کہ ’کراچی کو گرمیوں کے موسم میں مجموعی طورپر1100میگاواٹ بجلی میسرہوگی‘۔
through 132 kV network. Thus,a maximum of 1100 MW power supply shall be available from 500 kV & 220 kV network in addition to 150 MW from wind generation during summer months from national grid for KE which shall significantly improve power supply position for the city of Karachi
— Omar Ayub Khan (@OmarAyubKhan) March 27, 2021
دوسری جانب تحریک انصاف کے رکن سندھ اسمبلی خرم شیرزمان نے وفاق کا کراچی کیلئے450میگاواٹ اضافی بجلی کی فراہمی کے منصوبے کی تکمیل کا خیرمقدم کیا۔
The dedicated and coordinated efforts of NTDC and KE teams are highly appreciated in achieving this milestone in a timely manner. This has been done by the federal government to the people of Karachi for the summer season, especially before the holy month of Ramzan.
— Omar Ayub Khan (@OmarAyubKhan) March 27, 2021
اُن کا کہنا تھا کہ ’وزیراعظم کےکراچی سے کیے وعدے پورے ہو رہے ہیں، جامشورو سے ٹرانسمیشن لائن کو 31مارچ سے پہلے توانائی فراہم کی جائے گی‘۔ خرم شیر زمان کا کہنا تھا کہ ’گرمی میں طلب زیادہ ہو تو نیشنل گرڈسے 450 میگاواٹ بجلی فراہم ہوگی، یہ اضافہ نیشنل گرڈ سے کےالیکٹرک کو بجلی کی فراہمی کے لیے کیا گیا ہے‘۔
تحریک انصاف کے رہنما کا کہنا تھا کہ ’وفاق کراچی کے لیے بجلی فراہمی کی صورتحال کو نمایاں طورپر بہتربنائے گا‘۔ انہوں نے کہا کہ اہم سنگ میل عبورکرنے پر این ٹی ڈی سی، کے ای کی کارکردگی کو سراہتے ہیں، رمضان سےقبل وفاق کی جانب سےعوام کو بڑا ریلیف دیا جا رہا ہے۔
