ایف آئی اے امیگریشن نے کراچی ایئرپورٹ پر بڑی کارروائی کرتے ہوئے غیرقانونی طور پر بیرون ملک سفر کرنیوالے 8 مسافروں کو گرفتار کر لیا گیا۔
وفاقی تحقیقات ادارے نے جن ملزمان کو گرفتار کیا ان میں سید شبیر حسن، خالد محمود، محمد کامران، محمد کبیر، طارق حسین، محمد آصف، خورشید حسین اور شاہین امین شامل ہیں، ملزمان فلائٹ نمبر FZ – 334 کے ذریعے آذربائیجان جارہے تھے۔
امیگریشن کلیرینس کے دوران ملزمان کو مشکوک پایا گیا، ابتدائی تفتیش کے دوران انکشاف ہوا کہ ملزمان نے غیرقانونی آذربائیجان سے مالٹا جانے کی کوشش کرنا تھی۔
ملزمان کو ایجنٹ سمیت گرفتار کیا گیا، ملزمان نے سید شبیر حسن نامی ایجنٹ کو مالٹا جانے کے لیے لاکھوں روپے ادا کیے تھے، ملزمان نے فی کس 2 لاکھ روپے سے 9 لاکھ روپے تک ایجنٹ کو ادا کیے۔
گرفتار ملزمان کو مزید قانونی کارروائی کے لیے انسدادِ انسانی اسمگلنگ سرکل کراچی منتقل کر دیا گیا ہے، ان سے مزید تفتیش جاری ہے۔
