کراچی : کسی بھی ہنگامی صورتحال سے نمٹنے کیلئے کراچی ایئرپورٹ پر فل اسکیل ایمرجنسی مشقیں جولائی میں ہوگی، مشقوں کا مقصد تمام اداروں کی صلاحیتوں کو جانچنا ہے۔
تفصیلات کے مطابق کراچی ایئرپورٹ پر فل اسکیل ایمرجنسی مشقیں جولائی میں ہوں گی، اس حوالے سے ایئرپورٹ منیجر ظفر اعتماد کی صدارت میں اجلاس منعقد ہوا۔
اجلاس میں بتایا گیا کہ مذکورہ مشقوں میں فائر، ریسکیو، ویجیلنس، ایمبولنس سروسز اور طبی امداد کے ادارے حصہ لیں گے، ان اداروں کے اہلکار ایئرپورٹ پر مصنوعی طور پر پیداکردہ ہنگامی حالات سے نبرد آزما ہوکر اپنی مستعدی اور مہارت کا مظاہریں کریں گے۔
- Advertisement -
مشقوں کا مقصد تمام اداروں کی صلاحیتوں کو جانچنا ہے، مشقوں کا مقصد عالمی ہوابازی کی انجمن کے مطابق ہنگامی حالات سے نمٹنے کیلئے صلاحیتوں کو جانچنا ہے، اجلاس میں مشقوں سے متعلق انتظامات کو حتمی شکل دی گئی۔
