کراچی : بارش کا پانی کراچی ایئر پورٹ کی عمارت میں داخل ہوگیا، چھت سے ٹپکنے والے پانی کو پھیلنے سے روکنے کیلئے اتتظامیہ نے لاؤنج میں بالٹی رکھ دی۔
تفصیلات کے مطابق اسلام آباد ایئرپورٹ کے بعد بارش کے باعث کراچی ایئرپورٹ کی بھی چھتیں ٹپکنے لگیں، کراچی میں ہونے والی بارش کے دوران جناح ٹرمینل کی بین الاقوامی لاؤنج کی چھت ٹپک گئی۔
ایئرپورٹ انتظامیہ نے بارش کے پانی کیلئے لاؤنج میں بالٹی رکھ دی، واضح رہے کہ سول ایوی ایشن اتھارٹی کی جانب سے بارشوں سے متعلق الرٹ بھی جاری کیا گیا تھا۔
رین الرٹ کے انتظامات پر سی اے اے خود بھی عمل نہ کرسکی، اس حوالے سے ترجمان سی اے اے کا کہنا ہے کہ جناح ٹرمینل کی چھت سے آج بارش کے دوران معمولی ٹرپنگ ہوئی، پانی کی ڈریننگ روکنے کیلئے مرمت کا کام کچھ دیر میں مکمل ہوجائے گا۔
