site
stats
پاکستان

بیرون ملک جانیوالے مسافروں کے لیے کراچی ایئرپورٹ پر پارکنگ ایریا کو ڈراپ لائن بنانے پر غور

کراچی :سول ایوی ایشن اتھارٹی کا کراچی کے جناح انٹر نیشنل ایئرپورٹ پرسیکورٹی خدشات کے پیش نظر بیرون ملک جانے والوں کے لیے پارکنگ ایریا کو ڈراپ لائن بنانے پر غور کیا جارہاہے.

تفصیلات کے مطابق جناح انٹر نیشنل ایئرپورٹ پر پرانی ڈراپ لائن کوصرف وی وی آئی پی موومنٹ کےلیے استعمال کیا جائے گا،منصوبے پر عملدرآمد کے بعد اندرون اور بیرون ملک روانگی لے لیے مسافر پارکنگ ایریا سے ہی براہ راست ڈپارچرلاوئنجز منتقل ہوں گے.

مسافروں کی منتقلی کے لیے پارکنگ میں موجود فاسٹ فوڈ سینٹر کے دونوں جانب لفٹس نصب کی جائیں گی،انٹرنیشنل اور بین الاقوامی مسافروں کے لئے بالترتیب دو دو لفٹس نصب ہوں گی،چاروں لفٹس کو ٹنل پر مبنی برجز کے ذریعے لیول نمبر ٹو سے منسلک کیا جائے گا.

منصوبے کے قابل عمل ہونے کی صورت میں لیول نمبر ٹو کے پل پر موجود ڈراپ لائن صرف وی وی آئی پیز کے لئے مختص ہو گی،بی اوٹی بنیادوں پر مبنی اس منصوبے کا ورکنگ پیپر جلد ہی حکام کو پیش کیا جائے گا.

دوسری جانب مسافروں کو جہاز تک پہنچانے والے برج کو بھی تبدیل کرنے کا عمل شروع کردیاگیا ہے تئیس سال بعد جدید ایوی برج نصب کیے جارہے ہیں.

جناح انٹر نیشنل ایئرپورٹ کے منیجر اعتماد ظفر نے اے آروائی نیوز کو بتایا کہ سول ایوی ایشن اتھارٹی دنیا بھر کی طرح ملک بھر کے ایئرپورٹ کو بھی جدید تقاضوں کے مطابق بنایا جارہا ہے.

اُن کا مزید کہنا تھا کہ کراچی ایئرپورٹ پر بارہ جدید پل نصب کیے جارہے ہیں،چھ اندرون ملک جانےوالی پرواز پرلگیں گے اور چھ بیرون ملک جانےوالی پروازوں کےلیے استعمال کریں گے.

کراچی ایئرپورٹ پر نصب کیے جانےوالی جدید برج اسٹیٹ آف آرٹ ہوں گے،اور اس سے مسافروں کو جہاز تک پہنچانے میں آسانی ہوگی.

*سول ایوی ایشن کا ایک اور کارنامہ، تعمیراتی منصوبے میں ایک بھی انجینیئر شامل نہیں

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top