کراچی کے علاقے ڈیفنس میں پولیس سے مقابلے میں 2 اغوا کار ہلاک ہوگئے اور شہری کو بازیاب کرالیا گیا۔
تفصیلات کے مطابق مقابلے کے دوران 2 اغوا کار فرار ہوگئے جن کی تلاش جاری ہے جبکہ ہلاک ملزمان سے گاڑی، اسلحہ اور دیگر سامان برآمد ہوا ہے۔
ڈی آئی جی ساؤتھ کے مطابق ڈیفنس فیز سیون میں فائرنگ کے تبادلے میں دو اغوا کاروں کو ہلاک کیا گیا، مارے گئے اغوا کاروں نے شہری کو اغوا کیا تھا۔
- Advertisement -
ڈی آئی جی ساؤتھ کا کہنا ہے کہ مغوی کو بحفاظت بازیاب کرالیا گیا، ہلاک ملزمان سے کار، اسلحہ اور دیگر سامان برآمد ہوا۔
دوسری جانب سخی حسن پل پر فائرنگ کے تبادلے میں دو ڈاکو عامر اور نواب زخمی حالت میں گرفتار کر لئےگئے، جن سے اسلحہ اور موٹر سائیکل برآمد ہوئی۔
