کراچی میں ایک اور پولیس افسر اغوا برائے تاوان کی واردات میں ملوث نکلا ہے۔
اے آر وائی نیوز کے مطابق سابق ایس ایچ او یوسف پلازہ کی اینٹی وائلنٹ کرائم سیل (اے وی سی سی) کو لاش ہے گزشتہ شب اے وی سی سی نے یوسف پلازہ تھانے سے مغوی نوجوان کو بازیاب کروایا ہے۔
پولیس کا بتانا ہے کہ بلال کو گلشن معمار سے 6 فروری کو ایک اہلکار اور پرائیویٹ افراد نے اغوا کیا تھا۔
- Advertisement -
پولیس حکام کے مطابق مغوی کی رہائی کے لیے 50 لاکھ روپے تاوان مانگا گیا تھا جبکہ چھ لاکھ روپے میں ڈیل فائنل ہوئی تھی۔
پولیس کا کہنا ہے کہ لواحقین اور اغوا کاروں میں ڈیل کروانے والا شخص گزشتہ شب پکڑا گیا ملزم کی نشاندہی پر یوسف پلازہ تھانے سے مغوی کو بازیاب کروایا گیا جبکہ ایس ایچ او فرار ہوگیا۔
تفتیشی حکام کا کہنا ہے کہ سابق ایس ایچ او یوسف پلازہ عمران محمود 2 روز قبل ہی معطل ہوا تھا۔
