کراچی : گلشن اقبال کے علاقے میں ڈکیتی پر مزاحمت کے دوران اے آروائی کے نیوز رپورٹر بابو اقبال اور ان کے بھائی زخمی ہوگئے.
تفصیلات کے مطابق ڈاکوبابو اقبال کے گھر میں ڈکیتی کرنےکے لیے داخل ہوئے تو بابواقبال اور ان کے بھائی شکیل نے مزحمت کی کوشش کی جس پر ڈاکوؤں نے فائرنگ کرکے دونوں کو زخمی کردیا.
ڈاکو لوٹ مار کرنے کے بعد نقد رقم، زیورات اور دیگر قیمتی سامان لیکر فرار ہوگئے.
اے آر وائی کے رپورٹر بابو اقبال کے بھائی شکیل کا کہنا تھاکہ ڈاکوگھر میں ڈکیتی کے لیے داخل ہوئے،ڈاکوؤں کوگھر کے بارے میں معلومات تھیں.
فارنسک ٹیم نے ڈکیتی کے بعد جائے وقوعہ پر پہنچ کر شواہد جمع کر لیے، پولیس نے تحقیقات شروع کردی لیکن کوئی مشتبہ شخص ابھی تک گرفتار نہیں کیا جاسکا.
وزیراعلی سندھ سید قائم علی شاہ کی جانب سے واقعے کا نوٹس لے لیا گیا، وزیراعلی نے آئی جی سندھ کو واقعہ کی رپورٹ پیش کرنے کی ہدایت کردی.
