کراچی کے علاقے اورنگی ٹاؤن میں گھر میں گھسنے والے چار ڈاکوؤں کو پولیس نے بروقت کارروائی کرتے ہوئے گرفتار کرلیا۔
اے آر وائی نیوز کے مطابق کراچی کے علاقے اورنگی ٹاؤن میں ڈاکووں کے گھر میں داخل ہوتے ہی مالک نے 15 پر اطلاع کردی جس کے بعد پولیس نے بروقت کارروائی کرتے ہوئے 4 ڈاکوؤں کو گرفتار کرلیا ہے۔
پولیس کے مطابق چار ملزمان کو گرفتار کیا گیا ہے ان میں ایک خاتون بھی شامل ہے۔
- Advertisement -
پولیس حکام کا کہنا ہے کہ ملزمان سے دو تیس بور، ایک نائن ایم ایم پسٹل اور کار برآمد کرلی گئی ہے۔
ون فائیو حکام کے مطابق گھر کے مالک کی کال پر فوری ایکشن لیا گیا اس کے بعد اقبال مارکیٹ تھانے کی پولیس جائے وقوعہ پر پہنچی اور ڈکیتی کی کوشش ناکام بنائی گئی۔
