کراچی: کراچی میں ایک اور تیز رفتار گاڑی نے ڈیفنس اختر کالونی سگنل کے قریب موٹر سائیکل سوار نوجوان کی جان لے لی۔
تفصیلات کے مطابق ڈیفنس کے علاقے اختر کالونی سگنل کے قریب تیز رفتار گاڑی کی ٹکر سے موٹر سائیکل سوار ایک شخص جاں بحق ہوگیا۔
پولیس کے مطابق جاں بحق موٹر سائیکل سوار کی شناخت 22 سالہ عبدالرحمٰن کے نام سے ہوئی ہے، جس کی لاش جناح اسپتال منتقل کردی گئی۔
پولیس کا کہنا ہے کہ حادثے کا ذمے دار ڈرائیور کار سمیت موقع سے فرار ہونے میں کامیاب ہوگیا۔
اسی مقام پر کچھ دیر قبل تیز رفتار ٹریلر نے سڑک پر کھڑے واٹر ٹینکر کو پیچھے سے ٹکر ماردی، پولیس نے ٹریلر ڈرائیور کو موقع سے گرفتار کرلیا۔
