کراچی کے علاقے صدر میں پاسپورٹ آفس کے سامنے الیکشن کمیشن آفس کی دیوار کے ساتھ دھماکا ہوا ہے۔
ایس ایس پی ساؤتھ ساجد سدوزئی کے مطابق پاسپورٹ آفس کے قریب دھماکا ہوا، بارودی مواد ایک شاپر میں دیوار کے ساتھ رکھا گیا تھا، جب بچے نے شاپر اٹھا کر پھینکا تو دھماکا ہوا۔
ساجد سدوزئی نے بتایا کہ دھماکے سے کوئی نقصان نہیں ہوا، دھماکا خیز مواد میں بال بیرنگ موجود نہیں تھے۔
- Advertisement -
قبل ازیں، دھماکے کی اطلاع ملنے پر قانون نافذ کرنے والے ادارے فوراً موقع پر پہنچے تھے۔ پولیس کی جانب سے دھماکے کی شدت اور نوعیت کا تعین کیا گیا جبکہ بم ڈسپوزل اسکواڈ کو بھی طلب کیا گیا تھا۔
