کراچی : سپر ہائی وے گڈاپ ٹاوٴن میں واقع مدرسے سے 13 سالہ لڑکے کی تشدد زدہ لاش مل گئی، بچے کو زیادتی کے بعد گلا گھونٹ کر قتل کیا گیا۔
تفصیلات کے مطابق کراچی میں سپر ہائی وے گڈاپ ٹاوٴن میں واقع مدرسے سے 13 سالہ لڑکے کی تشدد زدہ لاش ملی۔
پولیس کی ابتدائی تحقیقات میں بتایا گیا کہ بچے کی شناخت 13 سالہ مجیب الرحمان کےنام سےہوئی ، مجیب الرحمٰن کو جنسی درندوں نے زیادتی کے بعد گلا دبا کر قتل کیا تاہم مدرسے کے معلم سمیت 2 افراد کو حراست میں لیکر تفتیش شروع کردی۔
عباسی شہید ہسپتال میں پوسٹمارٹم کے دوران بھی بچے پر تشدد اور زیادتی کی تصدیق ہوگئی ہے۔
جس کے بعد پولیس نے مدرسے کے معلم سمیت متعدد افراد کو مجیب الرحمٰن کے قتل کے شبے میں شامل تفتیش کرلیا ہے۔
ورثاء کا کہنا ہے کہ مجیب 3 برس سے گڈاپ ٹاوٴن میں واقع مدرسے میں زیر تعلیم تھا ، پہلے بھی متعدد مرتبہ معلم کی جانب سے تشدد کی شکایت کرچکا تھا، قاتلوں کو گرفتار کیا جائے۔
بھائی نے الزام لگایا تھا کہ مجیب الرحمان کےساتھ بدفعلی کی گئی، 5ماہ قبل بھی بدفعلی کی شکایت کی تھی، معلم سمیت 3 سے4 افراد ملوث ہیں،سخت سزادی جائے۔
