کراچی : گگھر پھاٹک کے قریب واٹر بورڈ کی لائن میں ڈوب کر جاں بحق ہونے والی بچی کی لاش مل گئی، بچی کی لاش گھر پہنچنے پر کہرام مچ گیا۔
تفصیلات کے مطابق کراچی میں گگھر پھاٹک کے قریب واٹر بورڈ کی لائن میں ڈوب کر جاں بحق ہونے والی بچی کی لاش نکال لی گئی۔
بچی کی لاش قانونی کارروائی کے اسپتال کے بعد گھر منتقل کر دی گئی، بچی کی لاش پہنچنے پر کہرام مچ گیا۔
ڈپٹی کمشنر ملیر محمد سعید لغاری کے مطابق ریلوے مارشلنگ یارڈ کے قریب واٹر اینڈ سیوریج بورڈ کراچی کی پائپ لائن سے لاش نکالی گئی۔
پاک بحریہ اور واٹر اینڈ سیوریج بورڈ کی ٹیموں نے آپریشن میں حصہ لیا، آٹھ سال کی بچی سونیا ولد تاج محمد کلمتی دو روز قبل پانی کی لائن میں ڈوب گئی تھی۔
واقع اس وقت پیش آیا جب گھر کے لیے پانی بھرنے کے لیے بچی گئی تھی، پانی کے تیز بہاؤ کے باعث لاش ملنے میں مشکلات کا سامنا تھا۔
بچی کے ورثاء نے اپنی مدد آپ کے تحت بچی کی لاش کی تلاش میں مصروف تھے جب کہ آج صبح رضاکار ٹیم اور بحری ادارے کی ٹیم کی مدد لاش نکالی گئی۔
