کراچی : نیٹی جیٹی پل سے سمندر میں چھلانگ لگانے والے نوجوان شاہ زیب کی لاش نکال لی گئی، شاہزیب نے نیٹی جیٹی پل سے چھلانگ لگائی تھی۔
تفصیلات کے مطابق کراچی میں نیٹی جیٹی پل سے سمندر میں چھلانگ لگانے والے شخص کی لاش نکال لی گئی ، لاش کو کیماڑی سمندر 18 نمبر گیٹ سے ایدھی بحری ٹیم نےتلاش کیا۔
پولیس کا کہنا ہے کہ لاش ضابطے کی کارروائی کےلئےاسپتال منتقل کردی گئی ہے۔
کراچی میں 27 سالہ نوجوان شاہزیب نے نیٹی جیٹی پل سے چھلانگ لگائی تھی، وہ ناظم آباد3نمبر کا رہائشی تھا، شاہزیب علی معاشی حالات سے تنگ آکرسمندرمیں کودا تھا۔
بھائی نے بتایا تھا کہ شاہ زیب سب سے چھوٹا اور والد کے ساتھ ٹیلر کا کام کرتا تھا، شاہ زیب کا جناح اسپتال میں علاج جاری تھا ، 3آپریشن ہوچکے تھے، سول اور جناح اسپتال میں بھائی کا علاج ٹھیک نہیں کیا گیا، وہ کافی اذیت میں اورہمت ہار چکا تھا۔