کراچی: دنیا بھر کی طرح پاکستان میں بوہری برادری آج عید الاضحیٰ منا رہی ہے۔
تفصیلات کے مطابق بوہری برادری آج عیدالاضحی مذہبی عقیدت و احترام کیساتھ منارہی ہے، صدر میں طاہری مسجد سمیت مختلف علاقوں کی مساجد میں عید الاضحیٰ کی نمازادا کی گئی۔
مسجد کے باہر پولیس اور رینجرز سیکیورٹی کے فرائض انجام دے رہی ہے، نماز کی ادائیگی کے بعد بوہری برادری کی جانب سے سنت ابراہیمی کی ادائیگی کا سلسلہ جاری ہے۔
- Advertisement -
اس کے علاوہ سعودی عرب اور امارات سمیت خلیجی ممالک میں بھی آج عید منائی جارہی ہے جبکہ امریکا، برطانیہ، یورپ اور کینیڈا میں کچھ مقامات پر کل عید منائی جائے گی۔
واضح رہے کہ ملک بھر میں کل عیدالاضحیٰ منائی جائے گی۔
