کراچی: شہر قائد کے مختلف علاقوں میں بجلی کی فراہمی معطل ہوگئی، ترجمان کے الیکٹرک کا دعویٰ ہے کہ بجلی کی فراہمی بلا تعطل جاری ہے.
اے آر وائی نیوز کی رپورٹ کے مطابق کراچی میں بارش کے بعد سے طویل لوڈ شیڈنگ کا سلسلہ جاری ہے، مختلف علاقوں میں 7 گھنٹوں سے بجلی کی بندش کی وجہ سے شہری مشکلات کا شکار ہیں.
ذرائع کے مطابق کراچی کے علاقوں نئی کراچی، بفرزون، شادمان ٹائون سیکٹر 14اے، بی میں بجلی غائب ہے.
اسی طرح سرجانی ٹائون، انڈا موڑ، نصرت بھٹو کالونی، میانوالی کالونی، منگھوپیر، اورنگی ٹائون سمیت نارتھ ناظم آباد بلاک اے، ڈی، حیدری، کے ڈی اے چورنگی میں بجلی کی فراہمی معطل ہے.
ادھر لنڈی کوتل چورنگی،پیپلزچورنگی،پہاڑگنج،حسرت موہانی کالونی، ایف بی ایریا،عائشہ منزل ،گڈاپ،کاٹھورمیں بھی بجلی کی فراہمی معطل
لانڈھی،کورنگی،ملیر،سعودآباد،ماڈل کالونی،شاہ فیصل کالونی میں بجلی غائب ہے.
ترجمان کے الیکٹرک کا دعویٰ ہے کہ بجلی کی فراہمی جاری ہے، چند مقامات پرپانی کھڑا ہونے سے مرمتی کام میں تاخیر پیش آرہی ہے، احتیاطی تدابیر کے طور پر چند علاقوں کی بجلی بند کی گئی ہے.
کے الیکٹرک ترجمان کے مطابق سڑک پر موجود پانی کے الیکٹرک کے انفرا اسٹرکچر کو نقصان پہنچاتا ہے، اداروں سے اپیل ہے کہ نکاسی آب کے عمل میں تیزی لائیں.
