کراچی میں مسافر بس الٹنے سے کم از کم 4 افراد ہلاک اور متعدد زخمی ہوگئے جنہیں اسپتال منقتل کیا جارہا ہے۔
تفصیلات کے مطابق گلشن حدید کے علاقے لنک روڈ کے قریب مسافر بس الٹ گئی جس کے نتیجے میں خاتون سمیت 4 افراد جاں بحق اور متعدد زخمی ہوگئے۔
ریسکیو ٹیموں نے بتایا کہ حادثے کے بعد گاڑی کے اندر پھنسے مسافروں کو بحفاظت نکالنے کی کوششیں کی جارہی ہے جبکہ زخمیوں کو اسپتال پہنچایا جارہا ہے۔
دوسری جانب فیصل آباد میں سمندری تین پلیاں اسٹاپ کے قریب بھی بس الٹ گئی جس کے نتیجے میں کوئی جانی نقصان نہیں ہوا تاہم 9 مسافر زخمی ہوگئے۔
فیصل آباد ریسکیو 1122 کا کہنا ہے کہ زخمی مسافروں کو سول اسپتال سمندری منتقل کردیا گیا ہے۔
