شہر قائد میں شاہراہ فیصل پر بلوچ کالونی پل کی دیوار سے بس ٹکرا گئی، جس کے نتیجے میں 1 شخص زندگی کی بازی ہار گیا جبکہ 19 افراد شدید زخمی ہوگئے۔
اے آر وائی نیوز کے مطابق بس میں ریسٹورنٹ کے ملازمین سوار تھے، بس شاہراہ فیصل پر ڈرائیور کے قابو سے باہر ہوکر بلوچ کالونی پل کی دیوار سے ٹکرا گئی۔
حادثے میں بس کا اگلا حصہ شدید متاثر ہوا، ڈرائیور بھی بس میں پھنس گیا جسے ریسکیو پولیس اور دیگر ریسکیو اداروں کے اہلکاروں نے شدید زخمی حالت میں نکالا۔
- Advertisement -
بس حادثے کے نتیجے میں 20 افراد زخمی ہوئے ہیں جن میں سے ایک دوران علاج دم توڑ گیا جس کی شناخت الطاف کے نام سے ہوئی۔
شہر میں زائد ہلاکتیں ہیٹ اسٹروک سے نہیں ہوئیں، کمشنر کراچی کا دعویٰ
پولیس کے مطابق واقعہ کی تحقیقات شروع کردی گئی ہیں کہ حادثہ ڈرائیور کی غفلت سے پیش آیا یا کسی اور وجہ سے اس حوالے سے جلد رپورٹ سامنے لائی جائے گی۔
