کراچی: اختر کالونی کے نجی کلینک میں مبینہ طور پر غلط انجیکشن لگنے سے 3 سال کی بچی شزا شہزادی کی ہلاکت کا مقدمہ درج کرلیا گیا۔
تفصیلات کے مطابق تین سالہ شیزہ شہزادی کا مقدمہ قتل بالسبب کی دفعہ کے تحت محمود آباد تھانے میں مقتولہ بچی کے والد کی مدعیت میں درج کیا گیا ہے۔
والد نے کہا کہ میری تین سال کی بیٹی کو بخاز تھا اس وجہ سے کلینک لے کر گیا تھا ڈاکٹر کی جانب سے میری بیٹی کو غلط انجیکشن لگایا گیا، انجیکشن لگانے کے بعد بچی کو گھر لے آئے تھے۔
کراچی : نجی کلینک میں غلط انجکشن لگنے سے 3 سالہ بچی جاں بحق
والد نے بتایا کہ اچانک سے کچھ گھنٹے بعد میری بیٹی کو انجیکشن کی جگہ پر سوجن شروع ہوگئی اور اس کے کچھ دیر بعد خون جمع ہونا شروع ہوگیا تھا۔
والد نے مزید بتایا کہ جناح اسپتال گئے تو ڈاکٹر نے بتایا کہ غلط انجیکشن لگانے کی وجہ سے شزا زندگی کی بازی ہار گئی ہے، نجی کلینک کے ڈاکٹر کی خلاف کارروائی ہونی چاہیے۔
واضح رہے کہ کراچی کے علاقے اختر کالونی کے نجی کلینک میں 11 نومبر کو مبینہ طور پر غلط انجیکشن لگنے سے بچی جاں بحق ہو گئی تھی۔
