کراچی: ملیر جیل توڑ کر قیدیوں کے فرار ہونے کا مقدمہ درج کرلیا گیا، مقدمے میں انسداد دہشت گردی و دیگر دفعات شامل کی گئیں ہیں۔
تفصیلات کے مطابق کراچی کی ملیر جیل توڑ کر قیدیوں کے فرار ہونے کے واقعے کا مقدمہ شاہ لطیف ٹاؤن تھانے میں درج کر لیا گیا۔
ڈپٹی سپرنٹنڈنٹ ملیر جیل کی مدعیت میں مقدمہ درج کیا گیا ، جس میں انسداد دہشت گردی و دیگر دفعات شامل کی گئی ہے۔
مقدمے کے متن میں بتایا گیا ہے کہ رات 12 بج کے پانچ منٹ پر زلزلے کے جھٹکوں کی وجہ سے ملزمان نے چیخنے لگے، اس دوران قیدیوں کے ساتھیوں نے اکسایا اور سیل توڑ کر ٹاور کی طرف آئے۔
مزید پڑھیں : ملیر جیل سے فرار قیدیوں کی اکثریت کون ہے؟
مدعی مقدمے کا کہنا تھا کہ جیل کے قیدیوں کو جب روکنے کی کوشش کی تو انہوں نے مزاحمت کی اور عملے پر تشدد کیا اور ان کا اسلحہ چھین کر فائرنگ کی، فائرنگ کے واقعے میں قیدیوں اور جیل کے اہلکاروں سمیت اٹھ افراد زخمی ہوئے۔
مقدمے کے متن کے مطابق فائرنگ کرنے والوں سمیت 128 قیدی فرار ہوئے ہیں ،88 قیدیوں کو پکڑا جا چکا ہے اور فرار ہونے والے قیدیوں کی تفصیلات بھی مرتب کر لی گئی ہیں۔
مقدمے میں اسلحہ چھیننے ،بلوے اور حراست سے فرار ہونے کی دفعات بھی لگائی گئی ہیں جبکہ قیدیوں کی ہنگامہ ارائی کے دوران جیل کے اسپتال مین گیٹ اور دیگر املاک کو بھی نقصان پہنچا۔
یاد رہے دو روز قبل کراچی کی ملیرجیل سے 216 قیدی فرارہوگئے، جس کے بعد سندھ حکومت نے آئی جی جیل خانہ کوعہدے سے ہٹادیا تھا، جیل حکام کا کہنا تھا زلزلے کی وجہ سے قیدیوں کوبیرکوں سے نکالا تھا لیکن قیدیوں نے اہلکاروں سے اسلحہ چھین کر گولیاں چلائیں اور فرار ہوگئے۔
