کراچی : بہادرآباد کے علاقے میں پانی سپلائی کی گاڑی چور مالک کے اترتے ہی لے اڑا، واقعے کی سی سی ٹی وی فوٹیج سامنے آگئی ہے۔
تفصیلات کے مطابق کراچی کے علاقے بہادرآباد کےعلاقے میں چوری کی انوکھی واردات ہوئی ، جہاں چور منرل واٹر سے بھری گاڑی لے اڑا۔
سی سی ٹی وی فوٹیج اےآروائی نیوز نے حاصل کرلی، جس میں دیکھا جاسکتا ہے کہ پانی سپلائی کی گاڑی گھر کے باہر آکر رکی، ڈرائیور پانی کی ڈلیوری کیلئے گھر کے اندرگیا۔.
- Advertisement -
اسی دوران نامعلوم چور کو گاڑی کے اطراف چکر لگاتے دیکھا جاسکتا ہے اور موقع دیکھتے ہی ملزم پانی سے بھری گاڑی لے کر فرار ہوگیا۔
پولیس نے واقعے کا مقدمہ درج کرلیا ہے تاہم تاحال گاڑی تلاش کرنے میں ناکام ہے۔
