The news is by your side.

Advertisement

کراچی، چیئرمین پرائیویٹ اسکولز مینجمنٹ ایسوسی ایشن شرف الزماں انتقال کرگئے

کراچی: چیئرمین پرائیویٹ اسکولز مینجمنٹ ایسوسی ایشن شرف الزماں رضائے الٰہی سے انتقال کرگئے۔

اے آر وائی نیوز کی رپورٹ کے مطابق چیئرمین پرائیویٹ اسکولز مینجمنٹ ایسوسی ایشن شرف الزماں دل کا دورہ پڑنے کے باعث انتقال کرگئے۔

جنرل سیکریٹری پسما کا کہنا ہے کہ شرف الزماں کو اچانک طبیعت خراب ہونے پر کارڈک سینٹر منتقل کیا جارہا تھا وہ اسپتال پہنچنے سے قبل ہی انتقال کرگئے۔

اہلخانہ کا کہنا ہے کہ مرحوم شرف الزماں کی تدفین کل کی جائے گی۔

وزیر تعلیم سندھ سعید غنی نے شرف الزماں کے انتقال پر گہرے رنج و غم کا اظہار کیا ہے۔

سعید غنی کا کہنا تھا کہ مرحوم شرف الزماں کی نجی اسکولوں کے حوالے خدمات قابل ستائش ہیں، اللہ تعالیٰ مرحوم کو اپنی جوار رحمت میں اعلیٰ مقام عطا فرمائے اور لواحقین کو صبر جمیل عطا فرمائے۔

Comments

یہ بھی پڑھیں