کراچی: شہر قائد آج سے 9 جولائی تک گرج چمک کے ساتھ بارش کا امکان ہے۔
تفصیلات کے مطابق مون سون سسٹم سندھ میں داخل ہوگیا، محکمہ موسمیات نے کراچی اور حیدرآباد سمیت سندھ کے مختلف اضلاع میں گرج چمک کے ساتھ بارش کی پیشگوئی کی ہے۔
کراچی کا موسم آج جزوی طور پر ابر آلود رہنے کا امکان ہے جبکہ کہیں گرج چمک اور کہیں آندھی کے ساتھ بارش بھی ہوسکتی ہے۔
محکمہ موسمیات کا کہنا ہے کہ بارش کا سلسلہ 9 جولائی تک جاری رہے گا، کراچی میں گزشتہ شام گڈاپ ٹاون، سپرہائی وے، نوری آباد،کاٹھور اور گلستان جوہر سمیت کہیں ہلکی کہیں تیز بارش ہوئی۔
شہر میں ممکنہ بارشوں کے پیش نظر میئر کراچی بیرسٹر مرتضیٰ وہاب نے شہر میں رین ایمرجنسی نافذ کے احکامات جاری کردیئے ہیں۔
