اتوار, مئی 26, 2024
اشتہار

کراچی میں شہریوں نے ڈاکو کی درگت بنا کر پولیس کے حوالے کردیا

اشتہار

حیرت انگیز

کراچی: روز روز کی وارداتوں سے تنگ آئے شہریوں نے نارتھ ناظم آباد کے علاقے میں ایک ڈاکو کو پکڑ کر پہلے تو خوب درگت بنائی، اس کے بعد پولیس کے حوالے کردیا۔

اے آر وائی نیوز کے مطابق پولیس حکام کا کہنا ہے کہ ملزمان شہری سے واردات کے بعد فرار ہورہے تھے، شہری کے اشارے پر پولیس نے ملزمان کا تعاقب کیا،اس دوران ملزمان نے پولیس کو دیکھ کر فائرنگ کرتے ہوئے فرار ہونے کی کوشش کی۔

ایک ڈاکو کو اس دوران شہریوں نے پکڑلیا جسے تشدد کا نشانہ بناکر پولیس کے حوالے کردیا، زخمی ڈاکو کی شناخت تیمور کے نام سے ہوئی ہے، جس سے اسلحہ، مسروقہ سامان برآمد کرلیا گیا ہے۔

- Advertisement -

دوسری جانب کورنگی نمبر 2 سیکٹر 33 سی میں فائرنگ سے ایک شخص جاں بحق،جبکہ دوسرا زخمی ہوگیا، پولیس کا کہنا ہے کہ فائرنگ کا واقعہ ذاتی جھگڑے کے باعث پیش آیا۔

کشمور: ڈاکوؤں کا گھر پر راکٹ حملہ، 3 افراد جاں بحق، 4 زخمی

پولیس کے مطابق فائرنگ سے فیضان موقع پرجاں بحق جبکہ اس کا دوست دانش شدید زخمی ہوا، لاش اور زخمی کوجناح اسپتال منتقل کرکے ملزمان کی تلاش شروع کردی گئی ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں