کراچی : ناظم آباد دو نمبر میں دو سیاسی جماعتوں کے درمیان تصادم میں فائرنگ سے ایک شخص جاں بحق اور ایک زخمی ہوگیا۔
تفصیلات کے مطابق کراچی کے علاقے ناظم آباد دو نمبر میں دو سیاسی جماعتوں کے درمیان تصادم ہوا، جس میں فائرنگ سے ایک شخص جاں بحق اور ایک زخمی ہوگیا۔
پولیس نے بتایا کہ جاں بحق شخص کی شناخت اڑتالیس سال کے فراز کے نام سے ہوئی ہے۔
- Advertisement -
اسپتال انتظامیہ کے مطابق فرازکومردہ حالت میں اسپتال لایا گیا، تصادم میں ایک شخص راؤ طلحہ زخمی ہوا ہے۔
تصادم کے بعد نامعلوم افراد نے دو گاڑیوں کو آگ لگا دی تاہم فائر بریگیڈ نے موقع پر پہنچ کر آگ پر قابو پایا، تصادم کے بعد علاقے میں صورتحال کشیدہ ہے۔۔ پولیس اور رینجرز کی بھاری نفری تعینات کر دی گئی ہے۔
