بدھ, فروری 19, 2025
اشتہار

کراچی میں ’آشوب چشم‘ نے وائرل انفیکشن کی شکل اختیار کر لی

اشتہار

حیرت انگیز

کراچی: شہر قائد میں آشوب چشم نے وائرل انفیکشن کی شکل اختیار کرلی ، مختلف نجی و سرکاری اسپتالوں میں سینکڑوں افراد رجوع کر رہے ہیں۔

تفصیلات کے مطابق کراچی میں آشوب چشم کی وباء بدستور تیزی سے پھیل رہی ہے اور شہر کے مختلف نجی و سرکاری اسپتالوں میں سینکڑوں افراد رجوع کر رہے ہیں۔

جناح اسپتال کراچی کی او پی ڈی میں یومیہ سات سو سے زائد مریضوں کا معائنہ کیا جارہا ہے اور اسپتال کی او پی ڈی میں ہر عمر کے افراد آشوب چشم کے حوالے سے رپورٹ ہورہے ہیں۔

صورتحال کے پیش نظر جناح اسپتال کی او پی ڈی میں آنے والے تمام مریضوں کو آنکھوں کے معائنے اور ادویات کی فراہمی کو یقینی بنایا جارہا ہے۔

ماہرین کا کہنا ہے کہ آشوب چشم کا دورانیہ دس سے چودہ دن پر محیط ہوتا ہے، متاثرہ افراد اپنے زیر استعمال اشیاء کو شیئرنگ سے گریز کریں جو اس وائرس کے پھیلاو کا سبب بن جاتی ہے۔

ماہرین نے مشورہ دیا ہے کہ متاثرہ افراد احتیاطی تدابیر پر زیادہ عمل کریں تاکہ وہ آشوب چشم کے پھیلاو کا سبب نہ بن سکیں۔

اہم ترین

انور خان
انور خان
انور خان اے آر وائی نیوز کراچی کے لیے صحت، تعلیم اور شہری مسائل پر مبنی خبریں دیتے ہیں

مزید خبریں