کراچی: کراچی سے چھینا گیا سامان سے بھرا کنٹینر ملتان سے برآمد ہوگیا، کنٹینر میں دو کروڑ روپے مالیت کے اسپیئر پارٹس موجود تھے۔
اے آر وائی نیوز کے نمائندہ کراچی سلمان لودھی کے مطابق کراچی کی ایک نجی کمپنی کا اسپیئر پارٹس سے بھرا کنٹینر سائٹ سپر ہائی وے کے علاقے سے چھینا گیا جس میں دو کروڑ روپے سے زائد مالیت کا سامان بھرا ہوا تھا۔
اطلاع ملنے پر ملیر انویسٹی گیشن پولیس پنجاب کے شہر ملتان پہنچی جہاں چھاپہ مار کر اور کنٹینر برآمد کرلیا گیا ہے۔
اطلاعات ہیں کہ اس ضمن میں کوئی گرفتاری عمل میں نہیں آئی ہے پولیس کنٹینر ملتان سے کراچی منتقل کررہی ہے۔
