کراچی : لیاری بہار کالونی میں زیرتعمیرعمارت کے ٹھیکیدار کو ایران سے بھتے کی کال موصول ہوئی ، جس میں 10 لاکھ روپے بھتہ مانگا۔
تفصیلات کے مطابق کراچی کے علاقے لیاری بہارکالونی میں زیرتعمیرعمارت کے ٹھیکیدارسے 10لاکھ بھتہ طلب کیا گیا اور بھتہ نہ دینے پر پلاٹ پر شدید فائرنگ کی گئی۔
واقعے کا مقدمہ تھانہ چاکیواڑہ میں درج کرلیا گیا ہے، جس میں بتایا کہ 18اگست کی شام ایران سےبھتےکی کال موصول ہوئی، زاہد لاڈلہ گینگ کےمبینہ کمانڈر نے 10 لاکھ روپے بھتہ مانگا۔
،مدعی مقدمے نے کہا کہ بھتہ نہ دینےکی صورت میں کام بندکرنےکی دھمکیاں دی گئیں، دھمکیوں پرمیں خوف اورذاتی مصروفیت کےباعث پنجاب چلاگیاتھا۔
ملزمان کی جانب سےمسلسل کال موصول ہونےپر2لاکھ دینےکی آفرکی گئی اور بھتہ نہ دینےپرموٹرسائیکل سوارملزمان نےپلاٹ پرفائرنگ کی۔
پولیس کا کہنا ہے کہ واقعے کا مقدمہ درج کرکے تحقیقات شروع کردی گئی ہیں۔
