کراچی: جسٹس گلزار احمد نے سی اے اے (سول ایوی ایشن اتھارٹی) کواپنی حدود میں تجاوزات کے خاتمے کا حکم دے دیا۔
تفصیلات کے مطابق کراچی میں تجاوزات کے خلاف آپریشن کے سلسلے میں جسٹس گلزار احمد کی زیرِ صدارت اہم اجلاس منعقد ہوا، جس میں چیف سیکریٹری، ڈی جی کے ڈی اے، کنٹونمنٹ بورڈز اور دیگر اعلیٰ حکام شریک ہوئے۔
[bs-quote quote=”سپریم کورٹ نے کراچی میں بڑے پارک دوبارہ بنانے کا حکم دے دیا۔” style=”style-7″ align=”left” color=”#dd3333″][/bs-quote]
جسٹس گلزار نے اداروں کو تجاوزات کے خلاف آپریشن بلا امتیاز جاری رکھنے کا حکم دیا۔
جسٹس گلزار نے سی اے اے کو بھی اپنی حدود میں تجاوزات کے خاتمے کا حکم دیا، کہا سی اے اے بھی تجاوزات کی نشان دہی کر کے کارروائی کرے۔
سپریم کورٹ نے ساحلی پٹی کو عوامی تفریح کے لیے دستیاب رکھنے کی بھی ہدایت کر دی ہے، جسٹس گلزار نے کہا کہ ساحلی پٹی پر تعمیرات نہ کی جائیں جس سے عوام کو مشکلات ہوں۔
یہ بھی پڑھیں: چیف جسٹس کا کراچی میں تجاوزات کے خلاف آپریشن جاری رکھنے کا حکم
سپریم کورٹ نے کراچی میں بڑے پارک دوبارہ بنانے کا بھی حکم جاری کر دیا، عدالت نے استفسار کیا کہ سی بریز پلازہ مخدوش ہو گیا ہے، اس کی بحالی یا مسمار کرنے کا کیا پلان بنایا گیا ہے۔ عدالت نے سی بریز پلازہ کی مخدوش حالت پر کنٹونمنٹ بورڈ سے رپورٹ طلب کر لی۔
پاکستان کوسٹ گارڈ نے اپنی رپورٹ پیش کرتے ہوئے کہا کہ کوسٹ گارڈ میس کے باہر سے رکاوٹیں ہٹا دی گئی ہیں۔ دریں اثنا سپریم کورٹ نے رینجرز کو سڑکوں کے اطراف رکاوٹیں ہٹانے کا بھی حکم دیا۔
