کراچی : ڈاکوؤں کی دیدہ دلیری، چائے کے ہوٹل میں لوٹ مار

کراچی : کورنگی میں ڈکیتی کی ایک اور واردات میں مسلح افراد نے ہوٹل پربیٹھے درجنوں افراد لوٹ لیا اور باآسانی فرار ہوگئے۔

دو موٹرسائیکل پرسوار3ملزمان کورنگی نمبر4کلوچوک پر آئے اور شہریوں سے موبائل فون و دیگرقیمتی سامان چھین لیا۔

مسلح ملزمان کی لوٹ مار کی فوٹیج اے آر وائی نیوز نے حاصل کرلی۔ فوٹیج میں ملزمان کوشہریوں سے لوٹ مار کرتے ہوئے واضح دیکھا جاسکتا ہے۔

دوسری واردات میں نارتھ کراچی سیکٹر11بی میں ہوئی جہاں ڈاکوؤں نے آزادانہ لوٹ مار اور ہوائی فائرنگ کی، ملزمان کو دیکھ کر شہریوں نے بھاگنے کی کوشش بھی کی۔

اس حوالے سے پولیس حکام کا کہنا ہے کہ سی سی ٹی وی فوٹیج کی مدد سے ملزمان کی تلاش جاری ہے، جلد گرفتار کرلیا جائے گا۔ لوٹ مار کا یہ واقعہ گزشتہ شب 9بجے پیش آیا تھا۔

Comments