کراچی: ملزمان شہری سے 40 لاکھ روپے، فون اور دیگر سامان چھین کر فرار ہوگئے، اسلحہ کے زور پر دودھ کے بیوپاری کو لوٹا گیا۔
تفصیلات کے مطابق بلدیہ ٹاؤن سعیدآباد میں ڈکیتی کی واردات ہوئی ہے، 6 سے زائد ملزمان کی جانب سے اسلحہ کے زور پر دودھ کے بیوپاری سے لوٹ مار کی گئی، شہری شعیب ڈار کی مدعیت میں مدینہ کالونی تھانے میں مقدمہ درج کرلیا گیا ہے۔
کراچی میں اسٹریٹ کرائم بے قابو،2 ماہ میں 10 ہزار سے زائد واقعات ریکارڈ
پولیس نے بتایا کہ متاثرہ شہری بغیر اطلاع کے زیادہ رقم لےکرجا رہا تھا، شہریوں کو متعدد بار کہا ہے بڑی رقم کی منتقلی سے پہلے پولیس کو اطلاع دیں۔
40 لاکھ و دیگر سامان سے محروم ہونے والے شہری کے حوالے سے پولیس حکام نے مزید بتایا کہ ملزمان کی گرفتاری کے لیے کوششیں جاری ہیں۔
کراچی پولیس کا شہر میں ہزاروں اسٹریٹ کرائم کی وارداتیں ہونے کا اعتراف
