کراچی کے پوش علاقے کلفٹن میں اسنیپ چیکنگ کےدوران مبینہ پولیس مقابلہ ہوا جس کے نتیجے میں 4 ملزمان ہلاک ہوگئے۔
ایس پی کلفٹن ماجدہ پروین کے مطابق رات گئے دوران چیکنگ کلفٹن پولیس اور سی ٹی ڈی اہلکاروں کے روکنے پر ملزمان فائرنگ کر کے فرار ہونے لگے، پولیس کی جوابی کارروائی میں چاروں ڈاکو زخمی ہوگئے، ڈاکوؤں کواسپتال منتقل کیا گیا جہاں وہ ہلاک ہوگئے۔
حکام کا کہنا ہے کہ ملزمان نے 6 نومبر کو توحید کمرشل میں واردات کی اور مزاحمت پر سیکورٹی ادارے کے سابق اہلکار سعید کو قتل کیا، اسی گروہ نے بارہ جنوری 2020 کو ویر باند نامی تاجر کو قتل کیا تھا۔
- Advertisement -
پولیس حکام کا کہنا ہے کہ ملزم نواب احمد کے خلاف 27 مقدمات درج ہیں، ملزم راج کمار کے خلاف 14، ملزم شیری چند کے خلاف 13، ملزم عبد الستار کے خلاف 15 مقدمات درج ہیں۔
