رینجرز اور سی ٹی ڈی نے فتنہ الخوارج کے 3 انتہائی مطلوب دہشتگرد کو گرفتار کرلیا جس سے دھماکہ خیز مواد برآمد ہوا ہے۔
تفصیلات کے مطابق رینجرز اور سی ٹی ڈی نے مشترکہ کارروائی کرتے ہوئے انتہائی مطلوب دہشتگرد انعام اللہ عرف لالا، نعیم اللہ عرف عمر زالی اور محمد طائب عرف محمد گرفتار کرلیا، ملزمان کے قبضے سے دھماکہ خیز مواد اور اسلحہ ایمونیشن بھی برآمد ہوا ہے۔
ترجمان رینجرز کے مطابق رینجرز اور سی ٹی ڈی نے کارروائی کرتے ہوئے انتہائی مطلوب دہشتگردوں میں انعام اللہ عرف لالا، نعیم اللہ عرف عمر زالی اور محمد طائب عرف محمد کو آپریشن کر کےگرفتار کرلیا، گرفتار دہشتگرد سیکورٹی فورسز پر حملوں اور دہشتگردی کی متعدد کارروائیوں میں ملوث ہیں۔
ترجمان کا کہنا ہے کہ تینوں دہشتگردوں کا تعلق فتنہ الخوارج حافظ گل بہادر گروپ سے ہے، ملزمان کے قبضے سے دھما کہ خیز مواد اور اسلحہ ایمونیشن بھی برآمد ہوا ہے۔
ترجمان کے مطابق ملزم نعیم اللہ عرف عمر زالی 2014 میں فتنہ الخوارج میں شامل ہوا، فتنہ الخوارج حافظ گل بہادر گروپ کا انتہائی اہم کارکن بھی ہے، ملزم کا والد مومن خان اور چچا سلیم اللہ فتنہ الخوارج کے اہم کمانڈر تھے اور سیکورٹی فورسز کے خلاف متعدد کارروائیوں میں ملوث تھے۔
ترجمان کا بتانا ہے کہ دونوں دہشتگرد دوران آپریشن ہلاک ہو چکے ہیں، ملزم عسکری تربیت یافتہ اور وزیرستان میں متعدد کارروائیوں میں ملوث رہا ہے،کچھ عرصہ قبل ملزم کراچی میں آکر اپنا نیٹ ورک منتظم کرنے میں سرگرم تھا۔
ملزم انعام اللہ عرف لالا 2017 میں فتنہ الخوارج حافظ گل بہادر گروپ میں شامل ہوا، وزیرستان میں کمانڈر عبدالحمید عرف فکر مند کے گروپ کے ساتھ جانی خیل میں انتہائی متحرک رہا، دیگر ساتھیوں کے ہمراہ سیکورٹی فورسز کے خلاف متعدد کارروائیوں میں ملوث رہا۔
ملزم کا بھائی ہدایت اللہ ( حافظ گل بہادر گروپ ) وزیرستان میں انتہائی متحرک ہے، ملزم کراچی میں فتنہ الخوارج کا نیٹ ورک منظم کرنے میں سر گرم اور سہولت کاری کا کام سر انجام دے رہا تھا۔
ملزم محمد طائب عرف محمد 2023 میں فتنہ الخوارج (عبد الحمید عرف فکر مند گروپ) میں شامل ہوا، ملزم اپنے بھائی عبد الرزاق کی ہلاکت کے بعد فتنہ الخوارج میں شامل ہوا۔
ترجمان رینجرز نے مزید بتایا کہ کراچی کے اندر سہولت کاری کا کام سر انجام دے رہا تھا، تینوں ملزمان کراچی میں دہشتگردی کی منصوبہ بندی کر رہے تھے،گرفتار ملزمان کومزید قانونی کارروائی کے لیے سی ٹی ڈی کے حوالے کر دیا گیا ہے۔
