site
stats
پاکستان

کراچی: کسٹم کی کارروائی، 400 سےزائد نیٹو کنٹینرز برآمد

کراچی : کسٹم حکا م نے شہر کے مختلف علاقوں میں کاروائی کرتے ہوئے نیٹو، ایساف اور امریکی فوج کے چار سو سے زائد کنٹینرز کی برآمدگی کا دعوی کیا ہے، ذرائع کا کہنا ہے کہ ان کنٹینرز سے ہیلی کاپٹر کے پرزے بھی برآمد ہوئے.

کسٹم حکام نے کراچی کے مختلف علاقوں میں نجی ویئر ہاؤسز پر چھاپے مارے، کاروائی بھینس کالونی، ماڑی پور اور دیگر علاقوں میں کی گئی، کارروائی کے دوران چار سو سے زائد نیٹو، ایساف اور امریکی فوج کے کنٹینرز برآمد ہوئے۔

حکام کے مطابق کنٹینرز کھلے تو پتہ چلا کہ اسمیں صرف اینٹیں اور پتھر ہیں، دو کے علاوہ تمام کنٹینرز سے سامان بھی غائب ہے، کنٹینرز سے ہیلی کاپٹر کے پرزے بھی برآمد ہوئے۔

کسٹم حکام نے رپورٹ اعلیٰ حکام کو دے دی ہے، گزشتہ روز بھی ماڑی پور سے نیٹو سامان برآمد کیا گیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top