کراچی: پولیس نے 3 روز قبل سرکاری افسر کو ٹریلر سے کچل کر ہلاک کرنے والے ڈرائیور کو گرفتار کرلیا۔
تفصیلات کے مطابق ماڑی پور تفتیشی ٹیم نے تکنیکی بنیادوں پر کارروائی کرتے ہوئے 3 روز قبل سرکاری افسر کو ٹریلر سے کچل کر ہلاک کرنے والا ڈرائیور کو گرفتار کرلیا۔
ایس ایس پی انویسٹی کیشن نے بتایا کہ ٹریلر کو بھی تحویل میں لے لیا گیا ہے جبکہ ملزم بخت زمین فرار ہوگیا تھا، ماڑی پور تھانے میں نامعلوم ملزم کیخلاف مقدمہ درج کیا گیا تھا۔
دوسری جانب لاہور کے ٹکسالی گیٹ میں حملہ آور نے فائرنگ کرکے پولیس اہلکار کو شہید کردیا جس کا مقدمہ بھی درج کرلیا گیا۔
مقدمہ مقتول کے بیٹے مستنصر کی مدعیت میں درج کیا گیا، مقدمے میں قتل اور دہشت گردی کی دفعات شامل ہے، پولیس کانسٹیبل کو پہلے سے گھات لگائے شوٹر نے فائرنگ کر کے نشانہ بنایا۔
