اے این ایف نے کراچی کے انڈسٹریل ایریا سے منشیات اسمگلر کو گرفتار کرلیا جس سے 2 کلو ہیروین برآمد ہوا ہے۔
تفصیلات کے مطابق کراچی میں ایکسائز اینڈ نارکوٹکس کنٹرول ڈپارٹمنٹ نےکورنگی صنعتی علاقہ میں ویٹا چورنگی کے قریب منشیات کے اسمگلر یاسر کو گرفتار کر کے دو کلو ہیروئن برآمد کرلی۔
حکام کا کہنا ہے کہ ملزم ہیروئن کو شہد کے ڈبوں کے خفیہ خانوں میں چھپا کر بیرون ملک اسمگل کررہا تھا، ملزم نے دوران تفتیش آسٹریلیا، دبئی اور نیوزی لینڈ منشیات کی کئی کھیپ بھیجنے کا انکشاف کیا۔
نارکوٹکس حکام کے مطابق ملزم کا تعلق منشیات فروشوں کے بین الاقوامی گروہ سے ہے، ملزم کے باپ کو بھی آٹھ ماہ قبل ایئر پورٹ سے گرفتار کیا گیا تھا، نارکوٹکس حکام نے مقدمہ درج کرکےگروہ کے دیگر کارندوں کی تلاش شروع کردی۔
